2016年9月21日 星期三

男人的浪漫 之 (釣魚 fit魷)


每逢佳節倍思春,本來幾條舊同事相約中秋前夕過大海叫雞,順便提早賞月,點知當日出到黎先知改左去釣魚!

仆你個街,有無咁撚離罩呀?!


西貢



當日個個架撐十足(有條木嘴誇到著埋救生衣),反觀我只準備左幾個避孕套同錢,乜春都無帶.....

某人連勾都未綁得惦,竟然提議攪個乜春春比賽,打龜或釣得最細條嘅人今晚要請食海鮮!

(有時真係忍唔住笑) 心唸: 鬥釣魚我真係未驚過你啦柒頭皮,但好快我就開始有D驚.....
因為班賤人竟然特登唔借工具我用!

我得雙手釣條毛?!




黃腳鱲


而且一開波無耐,釣魚老手蛇仔明已經中左條斤頭黃腳鱲,之後好不屑咁自己一個行入岩石邊FIT魷...

一餐海鮮晚飯,輕則過千,重則足以令人破產.....我開始有少少壓力,好彩咁啱有幾個小學雞係到釣緊,好唔容易我用高於市價幾倍價錢,收購左佢個手排同幾隻勾仔,先有得玩下




泥鯭



其實當日天氣一般,時晴時雨,水底魚毛集結,全日釣獲都係以泥鯭為主....

中午打後突然收到蛇仔明微信,條友竟然岩邊fit魷釣到隻鮑魚?!

心諗: 鮑魚定係 鮑魚刷??



誤釣鮑魚




 睇相原來係真,班天真嘅撚樣們知道後,齊齊跟風跑去岩邊釣鮑魚.....


(特別鳴謝蛇仔明提供片段)



 其實香港水域有鮑魚比較少聽,有都俾D潛水撚捉晒,而且鮑魚生存條件比較苛刻,香港魚排都好似無人會養,睇隻野外形似係台灣九孔品種,最大可能係有人海邊放生,好似西貢橋咀成日有人放生沙巴龍躉一樣


而條友除左中鮑魚外,都中左隻斤頭大尾魷,望住隻野不禁燃起我內心嘅一團火.....

其實自己以前都成日釣魚,但曾經為左件港女而放棄呢個嗜好,甚至放棄一切...(傷心事都係唔好提
)


埋單我以(3指大尺寸)泥鯭險勝對手




泥鯭





隔日突然心血來潮技癢,打開床下底封塵嘅釣具,睇黎係時侯重出江湖

果晚我無搵其他人,一條友流夜坐車入西貢,其實未唸到去邊,但好自然去左一個地方,西貢早禾坑。

呢個地方我以為自己以後都唔會再去.....



麥邊轉車站


因為地方偏僻入夜無車會到.....

我係轉車站落車步行而入,一個人飲住啤酒,重踏舊日足跡。果到風景依舊但人事以非....,昏暗嘅街燈、冷清嘅馬路、孤獨嘅背影.....,10分鐘嘅路程顯得格外漫長,我步伐漸覺沉重.....


驀然回首,Oh shit ! 原來唔小心踩中一篤牛屎....



朱古力.....


去到碼頭鬼影都無隻,我睇左幾個位之後開始開竿釣魷

fit 魷 比釣魚優勝之處係差唔多一年四季都可以玩,而且唔洗煩買魚餌,帶枝竿同幾隻姣蝦就玩得,而釣到之時,覺得身旁邊個唔多順眼,可以扮唔小心對住佢係咁噴墨,然後嫁禍俾隻魷魚.....,不過fit魷技術層面比較高,要花D時間去掌握

我係幾個位fit左幾鎗,技巧無乜點生疏,但水底好似無乜動靜.....



早禾坑 偷情

早禾坑



過左一陣,一對對 男女開始入黎偷情依泣,想當年自己曾經瘋狂到係電箱後面位打過野戰.....,正所謂 : 忘了愛。過去的就讓它過去,曾經畢竟只是曾經




真係觸景傷情......唯有走去佢地身邊fit fit,睇下可唔可以中番隻玩下噴墨...




之後見有斯文西裝友陸陸續續係碼頭坐大飛出海,心唸: 咁夜著草?

唔單止西裝友,之後仲有幾個OK索嘅短裙OL上駁艇,睇真D原來載佢地上近岸嘅豪華遊艇,睇黎似係開深夜船P.....




快艇

豪華遊艇




有錢真好! 有機會我都攪番個 淫賤遊艇Party (窮撚版)



大尾魷




鳩釣通頂.....

晨光初現
又係新一日嘅開始,此行沒有空手而回。











下一篇內容 :  微信雞援交 攻略

.

8 則留言:

  1. 咁嗰晚海鮮食咗幾錢?

    回覆刪除
    回覆
    1. 唔使廿百,條無賴話魚柳包都係海鮮.....去左麥記食

      刪除
  2. 想睇你寫多啲釣魚釣魷,有興趣

    回覆刪除
  3. THX, 得閒多D出報告

    回覆刪除
    回覆
    1. 好,...近期個人好懶

      刪除
  4. 賓哥文筆風流攪笑。。。近日有冇人去塔門Fit?

    回覆刪除
    回覆
    1. 無去塔門,最近去左布袋澳....
      北風起少出海

      刪除