2018年7月5日 星期四

深圳月亮灣,正骨撞邪實錄



潛水一段時間,最近係關口遇見熟人,第一句就問我做乜呢排唔見你寫BLOG?
簡單一個字解釋晒【懶】。其實前排D活動都幾多采多姿,幾值得同大家分享,但得閑先寫....,今次先講講最近發生既一單野



話說某晚我係羅湖同朋友傾完計飲完酒後,一條友唸住求其搵間邪骨出火順便過夜

但襟錢時先發覺大陸戶口無錢,銀包又得番不足三舊水,當時醉醉地又有D攰,於是貪方便上左羅湖一間叫( 月亮灣健康水療會 )既骨場過夜

(其實呢間係正骨場,以前都有同朋友去開,雖然服務一般,但勝在有免費野食,消費又唔高,星期六日客人都唔少(不過呢D場閑日先會去) 





上到去正好宵夜時間,昅昅有乜野食,突然醒起班友上次好似係呢間場食左D免費宵夜後集體食物中毒.....


心唸怕乜春,自己係大陸食左咁多年野早已百毒不侵,但見到D雞肋,同埋不明碎肉,有少少唔係好夠薑食,於是求其整左碗白粥同酸青瓜唔值錢既食物,感覺安全D,另外加錢點左D燒烤 






食完按左陣腳,個肚開始有少少唔舒服,心唸有無咁快見效?

去廁所期間經過電腦旁,見到林志玲幅相(下面顯示10分鐘後落鐘)

機不可失,於是順手點左技師,然後直接跟服務員上樓上按摩房間,一到樓上個肚突然又黎料,我同服務員講:陣間先安排房間,我先去廁所,(好彩每層樓都有廁所,掛住點技師差D賴屎)




痾左唔知幾耐,突然四周一黑,只剩手機螢幕光線,心唸仆街!唔撚係停電?

當時我表現得相當冷靜,只係吻屎時吻左出界.....

OH SHIT,幾驚無水洗手,洗洗下突然發覺有個阿伯企左係洗手盆斜後面3米左右,當時環境昏暗真係俾佢嚇左一跳!!

條友古撚怪怪,自言自語(似係埋怨緊D技師同服務員...),於是我多口問佢出面係咪停電?

(佢無應我,依稀見佢笑左一笑,好似聽唔明我D標準普通話.....)




一出廁所,見到個服務員楂住支電筒經過,我第一時間上前唸住同佢握手,我話:你好,搞乜春熄晒燈咁浪漫,玩耍盲雞?

條服務員望都無望我: 沒電

我話:咁大獲! 咁停幾耐?

佢話: 不好說....,沒事,有後備電,很快好!

我話: 嘩!大佬,沒電我埋單走人...

條友話: 現在結不了
,要不我先帶你進房,技師很快就到...



因為無冷氣,我打開門通風,攤左係張床到等技師,心唸最近深圳同廣州好似大停電,唔知關唔關事?

期間個亞伯就耐不耐係門口鬼鬼祟祟咁經過,技師又遲遲未黎,個口又有D乾,D燈又開下熄下.....,我開始唔耐煩,正當想出去自己針水之際有個阿嬸衝左入黎!

個阿嬸: 你好,不好意思要你等

我話:你..你是林志玲? 佢話:甚麼?

我話:你夠力嗎? 我很受力,佢話:試按一下,你覺得行才報鐘

跟住訓低按左幾野,見佢有用心去按又夠力,無借口彈佢(費事換來換去咁煩...)





聽個阿嬸講,近日間場都有電力問題,後備供電又不穩定,只夠鐘房和有限照明,空調都開不了,生意很差...

我問知不知道外面的那個阿伯是不是神經病?

佢話: 阿伯??

我話: 自言自語,走來走去那個客人,他有點怨氣我擔心他拿刀亂砍人

技師阿嬸好似一頭霧水,然後我指指門口: 那個人!  佢回頭一望話:甚麼都沒看到.....

我話:你隔三秒先望,走左啦

跟住佢問我做乜咁多房唔揀,要揀呢間房??

我話: 係服務員安排。不過又係嘅,反正都無乜客人,其實可選個兩張床的大房,而家係有D焗,不過按完先轉啦

(當時我精神狀態比較差,又攰又痾,條技師又愈按愈細力,愈按愈HEA,不知不覺間,我訓著左.....)

訓著期間,我不停發惡夢,但又唔記得發左D乜野惡夢,迷迷糊糊感覺經歷左好長間,(印象中我都有醒過,但又訓番)

突然有一下我個人十分清醒,唔知點解潛意識想起身離開房間,但發覺全身都郁唔到,好似俾人點左穴咁?!叫又叫唔出聲,呈現”比鬼壓”狀態!!




與此同時,耳邊不斷傳來頭先個阿伯把聲,但又聽唔清講乜春,陰聲細氣,不斷重覆、不斷重覆...(好似西遊記羅家英唱ONLY YOU 咁煩!)

我開始有D不安,我嘗試用力深呼吸,氣運丹田,力灌全身,強行打通任督二脈....,但依然郁唔到。不過一唸到如果自己再唔彈起身,有可能會俾個阿嬸強姦,果下成功紮醒!!

起身發覺全身都係冷汗,間房黑麻麻得我一個,我腳步浮浮咁走左出去,係樓梯附近見到頭先條服務員正企係到恰緊眼訓




我直接問佢有關個阿伯既事.....

條服務員話:是你朋友嗎? 今晚這層樓,只有幾個客人,沒有老人家,因為太熱他們按完都走了,只剩你一人

我反問佢: 唔撚係呀,咁你都睇唔到?? 頭先行來行去,喃喃自語的那個阿伯.....!!

條服務員話: 今天只有我負責守這層樓,沒人比我更清楚!

當時我無出聲,大家對望左十秒,從佢堅定既眼神、整齊既制服、性感既髮型中,我睇得出佢無講大話,同時亦感覺到四周陰風陣陣.....,果刻我突然醒起屋企落雨唔記得收衫,於是二話不說跑左落樓下換衫埋單


但埋單個陣奇怪點解咁平? 

條收銀話: 幫你按摩果個技師,起鐘十分鐘後,因為突然有事,請假落左班,佢已經同公司講左,因為你訓左無點其他技師,所以無計你按摩費用,只收淨桑費

我心唸:收少無所謂,有錢剩拿拿林打的走人。


番到香港病左成個星期,後來同朋友提起呢件事,先知原來間場以前某房間曾經發生過失救事件,因為內容有D恐怖我都係費事多講....



月亮灣撞鬼


寫BOLD時我都有考慮過開唔開名,但權衡輕重.....,希望自己友小心!!

月亮灣健康水療會
地址: 深圳市羅湖區春風路61號五礦大廈






.

3 則留言: